|
2006 May 14 یکشنبه
کاگدی گون چنت
پیشنھاد پا جندالله
سلام
دوستیں واجھاں سلام
رند چہ اِشی کہ واجہ عبدلمالک ریگیءِ مصاحبہءَ گوں رادیو صدای ایرانءَ اِشکت،
چنت شئور و پیشنھاد، ذھنءَ آتک اَنت کہ لوٹاں گوں شما بھراِش کنان ـ چون کہ ملی
کار و کوشستانی کنگ وت در یک دیکتاتوری ملکے تھا سک مزنین مشکلین کارے ھست
اِنت، بلے بلوچستانءِ ملی کنگءِ واستا چہ درستان گیش امنیتی مسائل دلگوش و توجہ
کنگ لوٹیت ـ
پرچے کہ تاریخءَ ثابت کتگ کہ در بلوچستانءِ تھا بازین مبارز و ورنا چہ امنیتی
مسائلانی سکی و دلگوش نکنگا چہ بین برگ بیتگ اَنت و آیانی زحمت و جھد پہ
نتیجہءَ نرستگ ـ ھنچوش کہ گؤشت، یکے احتیاط و دومی وتی توارا پہ مھلوکءَ
نرسینگءِ سببءَ آیانی نام و نشان گار و بیگواہ اِنت ـ واھگ اِنت کہ شمئے زحمت
ھم بئے نتیجہ مبیت ـ
چنت پیشنھاد و شئؤر:
1- شمئے سازمانءِ نام ھمک عام و سیاسی بلوچ و غیر بلوچءِ گؤشاں ناوش اِنت و
مردم پہ دگر فکرا دؤر دنت کہ پہ شمئے نف و فائدہءَ نھنت ـ وتی سازمانءِ نامءَ:
ارتش آزدیبخش بلوچستان- ایران ائیر کن اِت،( بلوچستان لیبریشن آرمی-ایران) ـ
2- مبارزاتی ھدف و واھگ: مبارزہ پہ یک فدرالین ایرانءِ کہ در آییءَ درستین
ملتان وتی ایالاتی حکومت برسیت، کہ مرکزی حکومتءَ تھنا وزارت خارجہ و ارتش و
زرّ و ارضی مسئولیت بہ بنت ـ چون کہ: ایالاتءِ بلوچستان، ایالات کردستان،
ایالات فارس، ایالات آذربایجان، ایالات خوزستان، ایالات ترکمن، در اے فدرالین
ایرانءَ شامل بنت ـ
ھر کسی دین و مذھبءَ احترام ائیر کن اِت و سیاسیتءَ چہ دین و مذھبءَ جدا زان
اِت و پہ یک دمکراتین بلوچستانءِ باروا مبارزہ کن اِت کہ در آییءَ درستین
انسانانی ھکءَ احترام ھلّیت ـ
3- ایالاتانی رسمی زبان ایالاتءِ وتی محلی زبان اِنت، و زبان ملی فارسی اِنت ـ
پہ مسال، ایالات بلوچستانءِ رسمی زبان بلوچی، بلے ملی زبان فارسی اِنت ـ
ایالات کردستانءَ رسمی زبان کردی و ملی زبان فارسی اِنت، ھمئے دابا آ دگر
ایالاتان وتی رسمی زبان و ملی زبان ببنت ـ
دوستین واجھان ھرچند کہ شما وت ھم زان اِت، بلے اے منی لھتے پیشنھاد اِتنت کہ
گون شما بھر کت اَنت ـ واجہ عبدالمالکءَ رادیوءَ گؤشت کہ گؤن رژیمءَ مذاکرات
کنگ لوٹیت، پہ من سئوال پیداگ بیت کہ گؤن اے رژیمءَ پہ چہ امیدے مذاکرات کنگ
لوٹیت، آیا اے رژیم بلوچستانءَ خودمختاری دنت؟ یا شمارا اجازت دنت کہ شما
بلوچستانءِ تھا پہ زاھری حتی سیاسی فعالیت بکن اِت؟
اے بے جاھین امید چہ رژیمءَ پہ شمئے وتی جرندا خطرناک و کشندہ ثابت بیت کنت،
ھان! اگر پہ یک اسیر و زندانیءِ مبادلہءِ واستا گؤن دگر واستھان مذاکرہ کن اِت
بلکین، بلے در نظامی جھد و مبارزہءَ پہ ھچ ھچ کسءَ باور کنگ نلوٹیت ـ شمئے
امنیتی مسلہ شمئے ھست و نیستءِ سبب بیت کنت ـ پہ ھمے سببءَ رژیمءَ پہ شما شیر و
شکر گؤن نیست ـ مذاکراتءِ ردا مہ وراِت، پچیکہ بلوچءَ ھمیشگ چہ ھمدا شکست وارتگ
ـ
گؤن ماھوارہ ای تلفنءَ گپ کنگ ھم سک خطرناک اِنت ـ شما زان اِت کہ ھنچین دستگاہ
ھست کہ پیش داری ایت کہ اے تلفن چہ کجا نکتھا چہ بئیگاھنت ـ چشین وھدان سک آمدہ
بئیگ لوٹیت ـ ھر لحاظ ممکن اِنت کہ راکتے بئیت ـ
رژیم یک خطرناکین حکومتءِ کہ اِشیءَ دست کم گرگ نلوٹیت، و وتی امنیتی مسائل
نکتہ پہ نکتہ اجرا کنگ لوٹ اَنت ـ
وھدیکہ کہ کسے چہ شما جستے کنت کہ چہ شما آ جست بلکین شما یک رازے پاشک بیت،
زروری نہ اِنت کہ شما ھر جستے جوابءَ بدئیت و مان سیاستءَ دیپلوماسی گون پیش
آیگ باز الّمی اِنت ـ
سوبین بات اِت ـ
ھمراز بلوچ
|